داعش ھێرشەکەی چیچانستانی لە ئەستۆ گرت

مۆسکۆ

داعش بەرپرسیارێتی خۆی لە ھێرشەکەی سەر کۆماری چیچانستانی سەر بە رووسیای راگەیاند کە بووە ھۆی کوژرانی شەش سەربازی رووسی.

ئاژانسی ھەواڵی TASSی رووسی بڵاوی کردەوە کە داعش بەرپرسیارێتی خۆی لە ھێرشەکە راگەیاندووە.

شەوی رابردوو چەند چەکدارێک کە ویستیان دزە بکەنە نێو یەکەیەکی سەربازیی لە ناوچەی ناوسکایای چیچاستان، شەڕوپێکدادان لەگەڵ ھێزەکانی ئەمنی ئەو وڵاتە روویدا و لە ئەنجامدا شەش سەربازی رووسی کوژران.

دوای ھێرشەکە، ھێزەکانی ئەمنی رێوشوێنی پێویستیان لە ناوچەکە گرتەبەر.