Arbil
هەولێر - AA
نزیکەی یەک لەسەر سێی ئەو نەوتە خاوەی لە ڕێگەی دەریاوە دەگوازرێتەوە، لە ڕێگەی گەرووی هورمزەوە دەگاتە بازاڕەکانی جیهان. لە کاتێکدا هەناردەی نەوت و غازی سروشتیی شل (LNG)ی بەرهەمهێنەرە گەورەکانی وەک سعوودیە، ئیمارات، کوێت، عێراق و قەتەر تا ڕادەیەکی زۆر بەستراوەتەوە بە گەرووی هورمزەوە، هاوکات ئابوورییە گەورەکانی ئاسیا وەک چین، هیندستان، ژاپۆن و کۆریای باشوور بەشێکی گرنگی هاوردەکردنی وزەی خۆیان لە ڕێگەی ئەم هێڵەوە دابین دەکەن.
