حەماس: "هێرشەکانی سەر غەززە جەنگی هەرێمیی لێدەکەوێتەوە"

غەززە - AA

سەرۆکی مەکتەبی سیاسی حەماس، ئیسماعیل هەنیە هۆشداریدا لەبارەی ئەوەی کە بەردەوامی هێرشەکانی ئیسرائیل بۆ سەر غەززە جەنگی هەرێمیی لێدەکەوێتەوە.

ئیسماعیل هەنیە لە تۆمارێکی ڤیدیۆییدا هەڵسەنگاندنی بۆ شەڕ و پێکدادانەکانی غەززە و کەرتی ڕۆژئاوا و بەرەی لوبنان لەگەڵ ئیسرائیل و پێشهاتە سیاسییەکان کرد.

هەنیە ئەوەی وەبیرهێنایەوە کە سەرۆکی ئەمریکا و چەند وڵاتێکی ئەورووپا بەمەبەستی پشتیوانی مەعنەوی سەردانی ئیسرائیلیان کردووە و حکوومەتی واشنتۆن سەرەڕای هەموو ئەم هەوڵانەی نەیتوانی سەرکەوتوو بێت لە دەستەبەرکردنی پشتیوانی هەرێمیی و نێودەوڵەتی بۆ ئیسرائیل لە بارەی هێرشەکانی بۆ سەر غەززە، ڕازیکردنی عەرەبەکان بە کۆچ.

هەروەها ئیسماعیل هەنیە باسی لەوە کرد کە حکوومەتی ئەمریکا سەرکەوتوو نەبوو لەوەدا کە بەرەکانی دیکە فەرامۆش بکرێن و باوەڕ بە خەڵکی بهێنێت لەبارەی درۆکانی ئیسرائیل.

هەنیە ستایشی هەڵوێستی وڵاتانی عەرەبی و ئیسلامی کرد لە بارەی وەستانەوەیان دژ بە کۆچ و داوای کرد پشتیوانی لەو هەڵوێستە بکرێت.

گوتیشی: "ئەگەر ئەم هێرشە دڕندانەی سەر غەززە و کاولکاری و خوێنڕشتن بەردەوام بێت، ئەوا ڕەنگە ئەمە بگۆڕێت بۆ جەنگێکی هەرێمی".

هاوکات هەنیە داوای لە گەلی فەڵەستین و جیهانی عەرەبی و ئیسلامی کرد ڕۆژی هەیینی بە دروشمی "هێرشی سەر غەززە ڕاگرن، نەخێر بۆ کۆچ و نیشتمانی جێگرەوە" خۆپیشاندان ساز بکرێت.