تەقینەوەیەک لە بنکەیەکی سەربازیی ئەمریکی-فەڕەنسی روویدا

رەققە/ئەنقەرە - AA

تەقینەوەیەکی گەورە لە بنکەیەکی سەربازیی کە سەربازانی سوپای ئەمریکا و فەڕەنسای لێیە لە ناوچەی عەین عیسای داگیرکراو لە لایەن رێکخراوی تیرۆریستیی یەپەگە/پەکەکە لە باکووری سووریا، روویدا.

بەپێی ئەو زانیارییانەی کە لە سەرچاوە لۆکاڵییەکانەوە دەستکەوتوون، شەوی رابردوو لە عەین عیسای باکووری رەققە لە بنکەیەکی سەربازییدا تەقینەوەیەک روویداوە.

سەرچاوە خۆجییەکان و هەژمارەکانی نزیک لە یەپەگە/پەکەکە لە تۆڕە کۆمەڵایەتییەکان، ئاماژە بەوە دەکەن زیانێکی گەورە بەر رێکخراوەکە کەوتووە و هۆکاری رووداوەکەش، تەقینەوەیەک لە جبەخانەی چەکی تەقەمەنییدا بووە.

ئاماژە بەوە دەکرێت لە بنکەکەدا نزیکەی ٢٠٠ سەربازی ئەمریکی و ٧٥ سەربازی هێزی تایبەتی فەڕەنسی هەن.