تێکشکانی فڕۆکەیەکی جەنگی ئەمریکا لە ژاپۆن

تۆکیۆ ــ AA

ھێزی دەریاوانی ئەمریکا رایگەیاند کە فڕۆکەیەکی جەنگییان لە میانی راپەڕاندنی ئەرکێکی رۆتیندا لە دوورگەی ئۆکیناوا باشووری ژاپۆن تێکشکاوە.

لە راگەیەندراوێکدا، ھێزی دەریاوانی ئەمریکا ئاماژەی بەوەداوە، فڕۆکەکە لە جۆری F/A-18 بووە و بەرلەوەی تێکبشێکت، دوو فڕۆکەوانەکە خۆیان ھەڵداوە و رزگاریان بووە.

بەپێی راگەیەندراوەکە، فڕۆکەکە بە ھۆی ئەوەی لە میانی راپەڕاندنی ئەرکێکی رۆتیندا لە دەریایی فیلپین، رووبەڕووی کێشەیەکی ھونەری ببوویەوە لە دوورگەی ئۆکیناوا لە باشووری ژاپۆن تێکشکاوە.

لە راگەیەندراوەکەدا ئاماژە بەوەشدراوە کە کەشتیگەلی حەوتی ئەمریکا کە بارەگاکەی لە شاری یۆکۆسوکا باشووری تۆکیۆ پایتەختی ژاپۆنە، لێکۆڵینەوەی بە ئامانجی گەیشتن بە ھۆکارەکانی رووداوەکە دەستپێکردووە.