بوومەلەرزەیەك بەگوڕی ٤،٥ پلە دەریای ناوەڕاستی هەژاند

ئەنقەرە ــ AA

راگەیەندرا كە بەرەیانی ئەمڕۆ چوارشەممە، بوومەلەرزەیەك بەگوڕی ٤،٥ پلە بەپێوەری رێختەر دەریای ناوەڕاستی هەژاندووە.

سەرۆكایەتی ئیدارەی فریاكەوتن و كارەساتە سروشتیەكان لە توركیا (ئافاد) راگەیەندراوێكی بڵاوكردەوە و تیادا ئاماژەی بەوەكردووە كە بوومەلەرزەكە، كاتژمێر ٠٤.٠١ بەكاتی توركیا لە دەریای ناوەڕاستی روویداوە.

بەپێی راگەیەندراوەكە كە بوومەلەرزەكە لە قوڵایی ٢١،٧٧ كیلۆمەتر توێكڵی زەوی روویداوە و ئاماژە بەوەشكراوە، نزیكترین ناوچەی توركیا لە ناوەندی بوومەلەرزەكە، قەزای مارماریس سەربە پارێزگای پارێزگای موغڵا باشووری رۆژئاوای ئەو وڵاتە بوو.