بافڵ جەلال تاڵەبانی لە هەولێر لەگەڵ برێت مەکگۆرک کۆبوویەوە

ھەولێر – AA

سەرۆکی یەکێتیی نیشتمانیی کوردستان، بافڵ جەلال تاڵەبانی پێشوازی کرد لە رێکخەری کۆشکی سپی بۆ کاروباری رۆژھەڵاتی ناوەڕاست و باکووری ئەفریقا، برێت مەکگۆرک و شاندێکی یاوەری.

کۆبوونەوەکەی بافڵ جەلال تاڵەبانی و برێت مەکگۆرک لە مەکتەبی سیاسیی یەکێتیی نیشتمانیی کوردستان لە شاری ھەولێر بەڕێوەدچێت.

چاوەڕوان دەکرێت لە کۆبوونەوەکەی سەرۆکی یەکێتیی نیشتمانیی کوردستان و رێکخەری کۆشکی سپی بۆ کاروباری رۆژھەڵاتی ناوەڕاست و باکووری ئەفریقا، رەوشی ناوخۆی ھەرێمی کوردستان، پەیوەندییەکانی ھەولێر و بەغدا و ژمارەیەک پرسی گرنگی دیکە تاوتوێ بکرێن.

دوێنێ دووشەممە برێت مەکگۆرک بە یاوەری رێکخەری سەرۆکایەتی ئەمریکا تایبەت بە ژێرخانی ئابووریی جیھانیی و ئاسایشی وزە، ئامۆس ھۆشتاین گەیشتە بەغدا و لە میانیدا لەگەڵ سەرۆکوەزیرانی عێراق، محەمەد شیاع سوودانی کۆبووەوە.

ھەروەھا شەوی رابردوو رێکخەری کۆشکی سپی بۆ کاروباری رۆژھەڵاتی ناوەڕاست و باکووری ئەفریقا، برێت مەکگۆرک گەیشتە ھەولێر و لە میانیدا لەگەڵ سەرۆکی ھەرێمی کوردستان، نێچیرڤان بارزانی کۆبوویەوە.

ئەمڕۆش، برێت مەکگۆرک لە ھەولێر لەگەڵ سەرۆکی پارتی دیموکراتی کوردستان، مەسعود بارزانی کۆبوویەوە.