ئەمریكا ئیدانەی تەقینەوەی ئەفغانستان دەكات
- وەزیری دەرەوەی ئەمریكا، مایك پۆمپیۆ ئیدانەی ئەو دوو تەقینەوەیەی كرد كە رۆژی هەینی رابردوو مزگەوتێكیان لە ویلایەتی نەنگەرهار رۆژهەڵاتی ئەفغانستان كردە ئامانج و لە ئاكامدا، ٧٢ كەس كوژران و ژمارەیەكی دیكەش برینداربوون.
Washington DC
واشنتۆن ــ AA
وەزیری دەرەوەی ئەمریكا، مایك پۆمپیۆ ئیدانەی ئەو دوو تەقینەوەیەی كرد كە رۆژی هەینی رابردوو مزگەوتێكیان لە ویلایەتی نەنگەرهار رۆژهەڵاتی ئەفغانستان كردە ئامانج و لە ئاكامدا، ٧٢ كەس كوژران و ژمارەیەكی دیكەش برینداربوون.
مایك پۆمپیۆ لە راگەیەندراوێكدا، دوو تەقینەوەكەی بە كردەیەكی ترسنۆكانە و بەدكار ناوزەند كردووە و ئاماژەی بەوە كردووە كە مزگەوتەكان شوێن پەرستن و ئارامیین بۆ خەڵكی و نابێت بكرێنە ئامانج لە لایەن تیرۆریستانەوە.
وەزیری دەرەوەی ئەمریكا، مایك پۆمپیۆ گوتوویەتی: "گەلی ئەفغانستان وەك هەموو گەلانی جیهان، مافی ئەوەیان هەیە بە ئارامی پەرستن لە مزگەوتەكاندا ئەنجام بدەن".
مایك پۆمپیۆ جەختیكردووەتەوە لەسەر ئەوەی كە ئەمریكا پابەندە بە دیهێنانی ئاشتی و سەقامگیری لە ئەفغانستان و بەردەوامە لە شەڕی دژبە تیرۆر.
رۆژی هەینی رابردوو دوو تەقینەوە لە مزگەوتێكدا لە ویلایەتی نەنگەرهار رۆژهەڵاتی ئەفغانستان روویدا و لە ئاكامدا، ٧٢ كەس كوژران و ژمارەیەكی دیكەش برینداربوون.
