ئەفغانستان...مووشەکێک بەر باڵیۆزخانەی ئێران کەوت

تاران- AA

٢٣ مووشەک بە ئاراستەی کابوڵ-ی پایتەختی ئەفغانستان هەڵدرا و یەکێک لەو موشەکانە بەر باڵیۆزخانەی ئێران کەوت.

باڵیۆزخانەی ئێران لە کابوڵ لەو بارەیەوە راگەیەندراوێکی بڵاوکردەوە، تیایدا ئەوە خراوەتەڕوو کە بەیانی ئەمڕۆ مووشەکێک کەوتوەتە باخچەی باڵیۆزخانەوە و زیانی بە بیناکە گەیاندووە.

لە راگەیەندراوەکەدا باس لەوەش کراوە کە رووداوەکە هیچ زیانێکی گیانی لێنەکەوتۆتەوە.

جێی وەبیرهێنانەوەیە گوتەبێژی وەزارەتی دەرەوەی ئەفغانستان، تارق ئاریان رایگەیاندبوو: "بەیانی ئەمڕۆ ٢٣ مووشەک ئاراستەی کابوڵ-ی پایتەخت کراون لە ئاکامدا هەشت کەس کوژراون و ٣١ کەسی دیکەش بریندار بوون".

تا ئێستاش هیچ لایەنێک پەلامارەکەی نەگرتۆتە ئەستۆ و بزووتنەوەی تاڵیبان-یش بێئاگایی خۆی لە پەلامارەکە راگەیاندووە.