ئەفغانستان.. بەهۆی پەلامارێکەوە شەش کەس کوژران

کابول- AA

لە ویلایەتی بەلخ باکووری ئەفغانستان، مووشەکێکی تاڵیبان بەر خانووی هاووڵاتییەکی مەدەنی کەوت.

لەو بارەیەوە گوتەبێژی بەڕێوبەرایەتی ئاسایشی بەلخ، عادلشاه عادل لە لێدوانێکیدا بۆ رۆژنامەنووسان ئەوەی ئاشکرا کرد، پەلەمارەکە بۆسەر گوندی هاڵکئاجەر سەربە شارۆچکەی شۆلگارا ئەنجامدراوە.

عادلشاه عادل باسی لەوەش کرد کە لە ئەنجامی پەلامارەکەدا، شەش هاووڵاتی مەدەنی گیانیان لەدەستداوە و هاووڵاتییەکی مەدەنی دیکەش بریندار بووە.

تا ئێستاش بزووتنەوەی تاڵیبان هیچ لێدوانێکی لە بارەی پەلامارەکەوە نەداوە.