ئێران.. گیانلەدەستدانی ١٩ كه‌س به‌هۆی ئه‌نفلۆنزای به‌راز

‌
ئیستانبوڵ – AA

جێگری وه‌زیری ته‌ندروستی ئێران، عه‌لی ره‌زا ره‌ئیسی رایگه‌یاند کە لەم هه‌فته‌یه‌ی دواییدا، ١٩ كه‌س به‌هۆی ڤایرۆسی H1N1 (ئه‌نفلۆنزای به‌راز) گیانیان له‌ده‌ستداوه‌.

عه‌لی ره‌زا ره‌ئیسی بۆ ئاژانسی هه‌واڵیی خوێندكارانی ئێرانی گوتی: "له‌م هه‌فته‌یه‌ی دواییدا، ١٩ له‌و ٢٧٣ كه‌سه‌ی کە ده‌ركه‌وتووه‌ تووشی ڤایرۆسی H1N1 (ئه‌نفلۆنزای به‌راز) بوون و له‌ نه‌خۆشخانه‌كان چاره‌سه‌ری پزیشكی وه‌رده‌گرن، گیانیان له‌ده‌ستداوه‌".

جێگری وه‌زیری ته‌ندروستی ئێران، عه‌لی ره‌زا ره‌ئیسی ئاماژه‌ی به‌وه‌شداوه‌ کە ئه‌مساڵ به‌راورد له‌گه‌ڵ ساڵی رابردوو حاڵه‌تەکانی تووشبوون به‌و جۆرە ئه‌نفلۆنزایه‌ زیاتر بووه‌.