ئازەربایجان...بەهۆی تەقینەوەی مین دوو رۆژنامەنووس گیانیان لەدەستدا

باکو- AA

لە ناوچەی کەلبەجەر-ی ئازەربایجان، مینێک تەقییەوە کە لە سەردەمی داگیرکاری ئەرمینیا-دا چێندرابوو، لە ئەنجامدا دوو رۆژنامەنووسی ئازەربایجان گیانیان لەدەستدا و سێ کەسی دیکەش برینداربوون.

مینەکە لە کاتی تێپەڕینی پاسێکی گواستنەوەی رۆژنامەنووسان بەو ناوچەیەدا، تەقیوەتەوە.

بەهۆی تەقینەوەکەشەوە پەیامنێری ئاژانسی هەواڵی حکوومەتی ئازەربایجان (AZERTAC)، مەحەرەم ئیبراهیمۆڤ و کامێرامانی کەناڵی حکوومەتی ئازەربایجان (AZTV)، سیراج ئابیشۆڤ گیانیان لەدەستدا.

هەروەها کارمەندێکی کەناڵی (AZTV) و دوو کەسی دیکەش برینداربوون.