کاروانێکی دیکەی ڤاکسینی فایزەر گەیشتە عێراق

ھەولێر ــ AA

وەزارەتی تەندروستیی و ژینگەی عێراق گەیشتنی کاروانێکی دیکەی ڤاکسینی کۆرۆنا لە جۆری فایزەر راگەیاند.

لەوبارەیەوە کۆمپانیای گشتیی بەبازاڕکردنی دەرمان و پێدوایستییە پزیشکییەکان سەربە وەزارەتی تەندروستیی و ژینگەی عێراق لە راگەیەندراوێکدا ئاماژەی بەوەداوە کە ئەمڕۆ یەکشەممە، کاروانێکی دیکەی ڤاکسینی کۆرۆنا لە جۆری فایزەر، گەیشتووەتە عێراق بێ ئەوەی ئاماژە بە ژمارەی دۆزەکان بکات و تێیدا ھاتووە:

"ڤاکسینەکان لە رێگای ساردکەرەوەی تایبەتەوە رەوانەی بنکە و فەرمانگەکانی تەندروستیی لە پارێزگاکانی عێراق و پارێزگاکانی ھەرێمی کوردستان کراون".

لە ١١ی مانگی نیسانی رابردوودا، یەکەم کاروانی ڤاکسینی فایزەر لە ئەمریکاوە گەیشتبووە عێراق.