جیهان... ژمارەی توشبووانی کۆرۆنا ٥٧ ملیۆن و ٩١٠ هەزاری تێپەڕاند

ئەنقەرە - AA

ژمارەی توشبووانی کۆرۆنا لە جیهاندا ٥٧ ملیۆن و ٩١٠ هەزاری تێپەڕاند.

ماڵپەڕی "Worldometers" نوێترین ئامارەکانی تایبەت بە کۆرۆنای لە جیهاندا بڵاوکردەوە و ئەوی خستەڕوو کە تا ئێستا لە جیهاندا یەک ملیۆن و ٣٧٧ هەزار و ٧٦٢ کەس بەهۆی کۆرۆناوە گیانیان لەدەستداوە.

بەپێی نوێترین ئامارەکان ٥٧ ملیۆن و ٩١٠ هەزار و ٥٨٢ حاڵەتی توشبوون بە کۆرۆنا تا ئێستا لە جیهاندا تۆمار کراوە و ٤٠ ملیۆن و ١٠٨ هەزار و ٨٩٥ توشبووی ڤایرۆسەکە چاکبوونەتەوە.

لە لایەکی دیکەشەوە ١٦ ملیۆن و ٤٢٣ هەزار و ٢٩٥ توشبووی دیکەی ڤایرۆسەکە لەژێر چارەسەردان.

زۆرترین حاڵەتی کۆرۆناش لە ئەمریکا تۆمار کراوە کە ١٢ ملیۆن و ٢٧٤ هەزار و ٧٢٦ حاڵەتی توشبوون و ٢٦٠ هەزار و ٢٨٣ حاڵەتی گیان لەدەستدان بووە.