تەندروستی هەولێر بڵابوونەوەی ئیبۆلا رەتدەکاتەوە

هەولێر - AA

دوای بڵاوبوونەوەی هەواڵی هەبوونی نەخۆشی ئیبۆلا لە شاری هەولێر و دروستبوونی گومان و ترس و دڵەڕاوکێ لە لایەن هاووڵاتییانەوە، گوتەبێژی بەڕێوەبەرایەتی تەندروستی هەولێر هەواڵەکە رەتدەکاتەوە و ئاماژە بەوە دەکات کە کەسێک بە نەخۆشییەکی دەگمەن گیانی لەدەستداوە بەڵام نەخۆشییەکە ئیبۆلا نییە.

گوتەبێژی بەڕێوەبەرایەتی گشتی تەندروستی هەولێر، فاخیر کرمانجی لە لێدوانێکی بۆ ئاژانسی ئانادۆڵو گوتی: "دوێنێ کەسێک بە نەخۆشییەکی دەگمەن گیانی لەدەستداوە بەڵام دوای پشکنین دەرکەوتووە کە نەخۆشییەکی دەگمەنە بەڵام ئیبۆلا نییە".

سەبارەت بەو نەخۆشییە دەگمەنەش، فاخیر کرمانجی گوتی: "دوای تەواوبوونی ئەنجامی پشکنینەکان، جۆری نەخۆشییەکە رادەگەیەنیین، بەڵام هەموو لایەک دڵنیا دەکەینەوە کە جۆری نەخۆشییەکە ئیبۆلا نییە".