ئەمریکا.. راوێژکار و بەرپرسی نووسینگەی مایک پێنس تووشی کۆرۆنا بوون

واشنتۆن- AA

دوو ئەندامی تیمی جێگری سەرۆکی ئەمریکا، مایک پێنس تووشی کۆرۆنا بوون.

لەو بارەیەوە نووسینگەی مایک پێنس راگەیەندراوێکی بڵاوکردووەتەوە و تیایدا ئەوەی خستووەتەڕوو کە بەرپرسی نووسینگەی جێگری سەرۆکی ئەمریکا، مارک شۆرت و راوێژکار مارتی ئۆبست تووشی کۆرۆنا بوون.

لە راگەیەندراوەکەدا باس لەوەش کراوە کە پشکنینی کۆرۆنای مایک پێنس و هاوسەرەکەی نێگەتیڤ بووە.

لەئێستاشدا کە چەند رۆژێک ماوە بۆ هەڵبژاردنەکانی سەرۆکایەتی، مایک پێنس بەردەوام دەبێت لە کارەکانی هەڵمەتی بانگەشەی هەڵبژاردن بەو شێوەیەی پلانی بۆ داڕێژراوە.