Hasan Esen
08 تشرینی یەکەم 2020•نوێکردنەوە: 10 تشرینی یەکەم 2020
لەندەن - AA
رۆژنامەی فاینانشیاڵ تایمز بڵاوی کردەوە کە تورکیا لە بواری درۆندا بووەتە رکابەری جددی ئەمریکا، ئیسرائیل و چین.
رۆژنامەکە لە هەواڵێکیدا لەبارەی ئەو درۆنانەی تورکیا دروستیان دەکات، دیمەنێکی درۆنەکانی دروستکراوی تورکیای بڵاوکردووەتەوە کە لە رێگەیانەوە سوپای ئازەربایجان لە جەنگی دژبە ئەرمینیا لە قەرەباغ ژمارەیەکی زۆر پێگەی ئەرمینیا، سیستمی بەرگریی ئاسمانیی، یەکەی تۆپهاوێژ و تانکی کردووەتە ئامانج و لەناوی بردوون.
- ''ئەنجامی ٢٠ ساڵ هەوڵدان''
لە هەواڵەکەدا باس لەوە کراوە کە قەرەباغ لە دوای سووریا، لیبیا، باکووری عێراق و خۆرهەڵاتی دەریای ناوەڕاست پێنجەم ناوچەی شەڕ و پێکدادانە کە درۆنەکانی تورکیای تیادا جێگیرکراوە و هاتووە ''لە سایەی درۆنەکانی تورکیاوە کە پەرەیان پێدراوە، تورکیا لە رووی کڕینی چەک پەیوەستی بە خۆرئاواوە کەمیکردووە و ئەنجامی ٢٠ ساڵ کارکردنە بۆ بەرزکردنەوەی بەرهەمی بەرگریی بە ئامانجی زیندووکردنەوەی شکۆی نیشتمانی''.
- ''رکابەرێکی جددیە''
لە هەواڵەکەدا باس لەوە کراوە کە بەرنامەی درۆن، تورکیای کردووەتە هێزێکی درۆن، لەو بارەیەشەوە لێدوانێکی هاوسەرۆکی ناوەندی کارەکانی درۆن لە کۆلێجی نیویۆرک بارد، دان گێتینگەر خراوەتەڕوو کە ئاماژەی بەوە دەکات تورکیا لە بواری درۆندا وەک رکابەرێکی جددی ئەمریکا، ئیسرائیل و چین دەرکەوتووە و بەرنامەی درۆنی تورکیا تا بڵێیت پێشکەوتووە.
- ''هەناردەی پیشەسازی بەرگریی لە ٢٤٨ ملیۆنەوە گەیەندراوەتە سێ ملیار دۆلار''
هەروەها لە هەواڵەکەدا باس لەوە کراوە کە تورکیا لە ساڵی رابردوودا، بە بەهای سێ ملیار دۆلار پێداویستی و کەرستەی سەربازیی فرۆشتووە بە وڵاتانی دیکە کە زۆربەی پێکهاتووە لە تانک، زرێپۆش، پارچەی فڕۆکە، چەک و تەقەمەنی و هاتووە؛ ''ئەو بەهایە لە ٢٠٠٢دا، ٢٤٨ ملیۆن دۆلار بوو. بەرپرسان ئومێدەوارن لە ٢٠٢٣دا، ئەو بەهایە بگەیەنن بە ١٠٠ ملیار دۆلار''.
