یاداشتنامەی لێکتێگەیشتنی تورکیا و کەنەدا

تسوکوبا - AA

تورکیا و کەنەدا یاداشتنامەیەکی لێکتێگەیشتنیان بۆ پێکھێنانی لیژنەیەکی ھاوبەش لە بواری ئابووری و بازرگانی واژووکرد.

لە پەراوێزی ئامادەکارییەکان بۆ بەستنی لووتکەی کۆمەڵەی ( 20-G ) کە سبەی یەکشەممە لە شاری ئاباراکی لە ژاپۆن بەڕێوەدەچێت، وەزیری بازرگانی تورکیا، روخسار پەکجان لەگەڵ وەزیری بازرگانی کەندی، جیم کار کۆبووەوە.

لە کۆبوونەوەکەدا، روخسار پەکجان و جیک کار یاداشتنامەیەکی لێکتێگەیشتنیان بۆ پێکھێنانی لیژنەیەکی ھاوبەش لە بواری ئابووری و بازرگانی واژووکرد.

دوای رێورەسمی واژووکردنی یاداشتنامەکە، وەزیری بازرگانی تورکیا، روخسار پەکجان بۆ میدیاکان دوا و رایگەیاند کە وڵاتەکەی گرنگی بە پێشخستنی پەیوەندییە بازرگانییەکانیان لەگەڵ کەنەدا دەدات.

روخسار پەکجان روونشیکردەوە کە واژووکردنی ئەم یاداشتنامەیە دەبێتە مایەی زیادکردنی پەیوەندییە بازرگانی و وەبەرھێنانەکانی نێوان ھەردوو وڵات و، باسی لەوەشکرد کە ئاڵوگۆڕی بازرگانی نێوان تورکیا و کەنەدا لە ساڵی رابردوودا، گەیشتووەتە سێ ملیار و ٢٠٠ میلۆن دۆلار.

لای خۆیەوە وەزیری بازرگانی کەندا، جیم کار رایگەیاند کە بەھەمانشێوە وڵاتەکەی دەوێت زیاتر پەرە بدات بە پەیوەندییە بازرگانی و وەبەرھێنانەکانیان لەگەڵ تورکیادا.