په‌لاماردانی فه‌رمانده‌یی جه‌ندرمه‌ی ناوچه‌ی دیجله‌ی دیاربه‌كر له‌لایه‌ن په‌كه‌كه‌وه‌

فه‌رمانده‌یی جه‌ندرمه‌ی ناوچه‌ی دیجله‌ی دیاربه‌كر له‌لایه‌ن چه‌كدارانی په‌كه‌كه‌وه‌ كرایه‌ ئامانج. له‌ په‌لاماره‌كه‌دا سه‌ربازێك گیانی له‌ده‌ستدا و 26 كه‌سی دیكه‌ش برینداربوون كه‌ خه‌ڵكی سڤیلیشیان تێدایه‌.

به‌پێی ئه‌و زانیارییانه‌ی ده‌ست ئانادۆڵو كه‌وتووه‌، چه‌كدارانی په‌كه‌كه‌ فه‌رمانده‌یی جه‌ندرمه‌ی ناوچه‌كه‌یان كردۆته‌ ئامانج و له‌ئه‌نجامدا سه‌ربازێك گیانی له‌ده‌ستداوه‌ و 26 كه‌سی دیكه‌ش برینداربوون كه‌ خەڵکی سڤیلیشیان تێدایه‌.

برینداره‌كان به‌ ئۆتۆمبێلی فریاكه‌وتن و هه‌لیكۆپته‌ری فریاكه‌وتن گه‌یه‌ندرانه‌ نه‌خۆشخانه‌ی سه‌ربازیی دیاربه‌كر.

راگه‌یه‌ندرا سێ له‌ برینداره‌كان بەهۆی سەختی برینەکانیان مه‌ترسی له‌سه‌ر ژیانیان هه‌یه‌.