په‌رله‌مانتاری هه‌ده‌په‌ به‌هجه‌ت یڵدرم ده‌ستبه‌سه‌ركرا

ئادیامان - AA

په‌رله‌مانتاری هه‌ده‌په‌، به‌هجه‌ت یڵدرم له‌ چوارچێوه‌ی لێكۆڵینه‌وه‌ی تیرۆردا ده‌ستبه‌سه‌ركرا.

له‌ چوارچێوه‌ی ئه‌و لێكۆڵینه‌وه‌ی کە له‌لایه‌ن داواكاری گشتیی ئادیامانه‌وه‌ به‌ڕێوه‌ده‌برێت، به‌تۆمه‌تی "ئەندامێتی له‌ رێکخراوی تیرۆریستی په‌كه‌كه‌ و یارمه‌تیدانیان، پڕوپاگه‌نده‌كردن بۆ په‌كه‌كه‌، پێشێلكردنی یاساكانی گردبوونه‌وه‌ و رێپێوان" سكاڵانامه‌یه‌ك له‌سه‌ر یڵدرم تۆماركراوه‌.

دوای ده‌ستبه‌سه‌ركردنی له‌ فڕۆكه‌خانه‌ی ئادیامان، ناوبراو گه‌یه‌نرایه‌ به‌ڕێوه‌به‌رایه‌تیی ئاسایشی شاره‌كه‌.

لێكۆڵینه‌وه‌ له‌گه‌ڵ ناوبراو به‌رده‌وامه‌.