وەزیرانی دەرەوەی تورکیا و عێراق لە ئەنقەرە کۆبوونەوە

ئیستانبوڵ - AA

وەزیری دەرەوەی تورکیا، هاکان فیدان لەگەڵ جێگری سەرۆکوەزیران و وەزیری دەرەوەی عێراق، فوئاد حوسێن کۆبووەوە.

وەزارەتی دەرەوەی تورکیا لە هەژماری تۆڕی کۆمەڵایەتی ئێکس بڵاویکردەوە: "وەزیری دەرەوەمان فیدان، لە ئەنقەرە لەگەڵ جێگری سەرۆکوەزیران و وەزیری دەرەوەی عێراق، فوئاد حوسێن کۆبووەوە".

سەرچاوە دیپلۆماسییەکان ئاماژەیان بەوە کردبوو کە ئەمڕۆ لە ئەنقەرە چوارهەمین کۆبوونەوەی باڵای میکانیزمی ئاسایشی تورکیا-عێراق ئەنجام دەدرێت.

هەروەها باس لەوە کرابوو کە بەبۆنەی سەردانی شاندی عێراقی بۆ تورکیا یەکەم کۆبوونەوەی گرووپی پلاندانانی هاوبەش بە سەرۆکایەتی وەزیری دەرەوەی تورکیا، هاکان فیدان و جێگری سەرۆکوەزیران و وەزیری دەرەوەی عێراق، فوئاد حوسێن لە ئەنقەرە ساز دەکرێت.