وه‌زاره‌تی ته‌ندروستیی توركیا هۆشداری دا به‌ هاووڵاتییان له‌باره‌ی ڤاكسینی كۆرۆناوه

ئه‌نقه‌ره‌ - AA

‌ وه‌زاره‌تی ته‌ندروستیی توركیا هۆشداری دا به‌ هاووڵاتییان له‌باره‌ی ڤاكسینی ڤایرۆسی كۆرۆنای نوێوه‌ و داوای له‌ هاووڵاتییان كرد باوه‌ڕ به‌و كه‌سانه‌ نه‌كه‌ن كه‌ بۆ ئه‌م مه‌به‌سته‌ په‌یوه‌ندییان پێوه‌ ده‌كه‌ن و په‌یامیان بۆ ره‌وانه‌ ده‌كه‌ن.

‌ وه‌زاره‌تی ته‌ندروستیی توركیا له‌ راگه‌یه‌ندراوێكدا هۆشداری دا به‌ هاووڵاتییان له‌باره‌ی ڤاكسینی ڤایرۆسی كۆرۆنای نوێوه‌ و داوای له‌ هاووڵاتییان كرد وه‌ڵامی ئه‌و په‌یام و په‌یوه‌ندییه‌ ته‌له‌فۆنییانه‌ نه‌ده‌نه‌وه‌ كه‌ گوایه‌ به‌مه‌به‌ستی به‌كارهێنانی ڤاكسین زانیارییان لێ وه‌رده‌گرن، چونكه‌ ئامانجی ئه‌و كه‌سانه‌ فریودانی هاووڵاتییانه‌.

‌ وه‌زاره‌تی ته‌ندروستی داوای له‌ هاووڵاتییان كردووە‌ بۆ دەستخستنی زانیاری نوێ و متمانه‌پێكراو سه‌ردانی ماڵپه‌ڕی فه‌رمیی وه‌زارتی ته‌ندروستی و هه‌ژماره‌ فه‌رمییه‌كانی وه‌زاره‌ت بكه‌ن له‌ تۆڕەکانی كۆمه‌ڵایه‌تی.

تیشكیش خراوه‌ته‌ سه‌ر ئه‌وه‌ی كه‌ لایه‌نی ئه‌منی چاودێری ئه‌و په‌یامانه‌ی ئه‌و جۆره‌ كه‌سانه‌ ده‌كه‌ن و هه‌ژماره‌كانیان داده‌خه‌ن.