هێرشی توركیا بۆ سه‌ر داعش له‌ سووریا

هێزه‌ چه‌كداره‌كانی سوپای توركیا له‌ رێگه‌ی وشكانی و فڕۆكه‌ جه‌نگییه‌كانی هاوپه‌یمانان له‌ ئاسمانه‌وه‌، هێرشیان كرده‌ سه‌ر 33 ئامانجی رێكخراوی تیرۆریستی داعش له‌ باكووری سووریا كه‌ لە ئاماده‌باشیدا بوون بۆ هێرش كردنه‌ سه‌ر خاكی توركیا. به‌پێی ئاماره‌ به‌راییه‌كان له‌و هێرشانه‌دا 23 تیرۆریستی داعش كوژراون.
به‌گوێره‌ی ئه‌و زانیارییانه‌ی له‌ سه‌رچاوه‌ ئه‌منییه‌كانه‌وه‌ ده‌ست ئانادۆڵو كه‌وتووه‌، دوێنێ یه‌ك شه‌ممه‌، تۆپخانه‌كانی سوپای توركیا هێرشیان كردووه‌ته‌ سه‌ر 33 ئامانجی رێكخراوی تیرۆریستی داعش له‌ باكووری سووریا، كه‌ پێكهاتبوون له‌ سه‌كۆی هه‌ڵدانی مووشه‌كی كاتیۆشا وهاوه‌ن کە له‌ ئاماده‌باشیدا بوون بۆ هێرش كردنه‌ سه‌ر خاكی توركیا.
هه‌روه‌ها فرۆكه‌ جه‌نگییه‌كانی هاوپه‌یمانان، دوو هێرشی ئاسمانیان كرده‌ سه‌ر ئامانجه‌كانی رێكخراوی تیرۆریستی داعش له‌ باكووری سووریا.
به‌پێی ئاماره‌ به‌راییه‌كان له‌و هێرشانه‌دا 23 تیرۆریستی داعش كوژراون و چه‌ند ئامانجێكیش له‌ناو براون.
سه‌رچاوه‌ ئه‌منییه‌كان باس له‌وه‌ش ده‌كه‌ن هێزه‌كانی ئۆپۆزسیۆنی سووریا كه‌ ده‌ستیان به‌سه‌ر ناوچه‌ی Yeni Yaban دا گرتووه‌، به‌رده‌وامن له‌ هێرشه‌كانیان.