لە چالاکی خستنی حەوت تیرۆریستی پەکەکە

ئەنقەرە - AA

وەزارەتی ناوخۆی تورکیا رایگەیاند کە حەوت تیرۆریستی پەکەکەی لە پارێزگاکانی دیاربەکر، هەکاری و دێرسم لە چالاکی خستووە.

وەزارەتی ناوخۆی تورکیا راگەیەندراوێکی لەبارەی ئۆپەراسیۆنەکانی ئاسایشی ناوخۆوە بڵاوکردۆتەوە و ئاماژەی بەوە داوە کە تیمەکانی فەرماندەیی جەندرمە لە شارۆچکەی خانی سەربە دیاربەکر ئۆپەراسیۆنێکیان ئەنجامداوە و دوو تیرۆریستیان لە چالاکی خستووە.

لە بەشێکی تردا ئاماژە بەوەکراوە کە تیمەکانی بەڕێوەبەرایەتی ئاسایش و فەرماندەیی جەندرمەی شارۆچکەی شەمزینان لە هەکاری، ئۆپەراسیۆنێکیان ئەنجامداوە و چوار تیرۆریستیان لە چالاکی خستووە و هاوکات لە ناوەندی پارێزگای دێرسیم-یش لە ئۆپەراسیۆنێکدا کە لە ٢٢ی حوزەیرانەوە بەردەوامی هەیە یەک تیرۆریست لە چالاکی خراوە.

بەوەیش ژمارەی ئەو تیرۆریستانەی لە پارێزگاکانی دیاربەکر، هەکاری و دێرسم لە چالاکی خراون گەیشتۆتە حەوت تیرۆریست.