لە ساڵی رابردوودا ٢٣ هەزار و ٧٥٣ بوومەلەرزە تورکیا و دەوروبەری هەژاندوە

ئەنقەرە- AA

سەرۆکایەتی بەڕێوەبردنی کارەساتی سروشتی و دۆخی لەناکاو (AFAD)، ئەوەی ئاشکرا کرد کە لە ساڵی ٢٠٢١دا ٢٣ هەزار و ٧٥٣ بوومەلەرزە تورکیا و دەوروبەری هەژاندوە.

لەوبارەیەشەوە سەرۆکایەتییەکە لە هەژماری تایبەتی خۆی لە تۆڕی کۆمەڵایەتی تویتەر، ئەو زانیارییانەی بڵاوکردەوە کە ناوەندی چاودێری و هەڵسەنگاندنی بوومەلەرزەی تورکیا دەربارەی بوومەلەرزەکانی ساڵی ٢٠٢١ بڵاویکردبووەوە.

بەمشێوەیش ساڵی رابردوو ٢٣ هەزار و ٧٥٣ بوومەلەرزە تورکیا و دەوروبەری هەژاندوە، لەو ژمارەیەش سێ بوومەلەرزەیان لە سەروو شەش پلەوە بوون.