لە رووداوێکی هاتوچۆ لە سێواس ٢٨ کەس بوونە قوربانی

سێواس- AA

لە قەزای کۆیولهیسار سەربە پارێزگای سێواس، پاسێک خۆی کێشا بە بارهەڵگرێکی وەرگەڕاودا و لە ئاکامدا خۆیشی وەرگەڕا، بەهۆیەوە یەک کەس گیانی لەدەست دا و ٢٧ی دیکەیش برینداربوون.

رووداوەکە لەسەر رێگای وشکانیی D-100 روویداوە کە بەهۆی بارینی بەفرەوە بارهەڵگرێک کۆنترۆڵی لەدەستداوە و چووەتە سایدی بەرامبەر و وەرگەڕاوە، پاشان پاسێک خۆی پێدا کێشاوە و ئەویش وەرگەڕاوە.

دوا بە دوای رووداوەکە تیمەکانی فریاگوزاریی بەپەلە، رزگارکردن و پۆلیس گەیشتوونەتە شوێنەکە.

لە رووداوەکەدا، سەرنشینێکی پاسەکە کە هاووڵاتیەکی ٤٤ ساڵان بووە لە شوێنی رووداوەکە گیانی لەدەستداوە و ٢٧ کەسی دیکەش برینداربوون.

برینداران بە ئۆتۆمبێلی فریاکەوتن گواسترانەوە بۆ نەخۆشخانەکانی کۆیولهیسار و سوشەهر و هەندێکیشیان رەوانەی سێواس کران.

بەهۆی رووداوەکەوە رێگای سێواس-ئەرزینجان و سێواس-تۆکات بۆ ماوەیەک بەڕووی هاتوچۆدا داخران و پاشان کرانەوە.