لە ئۆپەراسیۆنەکانی "گورز-٩"دا بۆ سەر ڕێکخراوی تیرۆریستیی داعش، ٦٥ گومانلێکراو دەستگیرکران

ئەنقەرە - AA

لە میانی ئۆپەراسیۆنەکانی "گورز-٩"دا کە لە ١٧ پارێزگای تورکیا کرایە سەر ڕێکخراوی تیرۆریستیی داعش، ٦٥ گومانلێکراو دەستگیرکران.

وەزیری ناوخۆی تورکیا، عەلی یەرلیکایا لە هەژماری خۆی لە تۆڕی کۆمەڵایەتی بڵاویکردەوە لە ١٧ پارێزگادا لە نێویاندا ئەنقەرە و ئیستانبوڵ ئۆپەراسیۆنی "گورز-٩" ئەنجامدراوە.

یەرلیکایا باسی لەوە کرد لەو ئۆپەراسیۆنانەدا کە لەلایەن تیمەکانی ئاسایشی پارێزگا بە هەماهەنگیی سەرۆکایەتی هۆبەی بەرەنگاربوونەوەی تیرۆر و سەرۆکایەتی دەزگای هەواڵگریی لە بەڕێوەبەرایەتی گشتیی ئاسایش بەڕێوەچوو ٦٥ گومانلێکراو دەستگیرکراون و دەستخۆشی لە پۆلیسانە کرد کە لە ئۆپەراسیۆنەکەدا بەشداربوون و ڕایگەیاند: "دەمەوێت گەلە ئازیزەکەمان بزانێت تا لەچالاکی خستنی دوایین تیرۆریست بە نزا و پشتیوانی ئێوە بێوچان بەردەوام دەبین لە خەبات".