له‌ هاتای ١١ تیرۆریست له‌ چالاكی خران

هاتای - AA

له‌ ئاكامی ئۆپه‌راسیۆنێكی ئاسمانی سوپای توركیا له‌ زنجیره‌ چیای ئامانۆسی قه‌زای ئارسوزی پارێزگای هاتای ١١ تیرۆریست له‌ چالاكی خران.

پارێزگاری هاتای رایگه‌یاند، له‌ میانی ئۆپه‌راسیۆنی هێزه‌ ئه‌منییه‌كان بۆ سه‌ر ئامانجه‌كانی تیرۆر دوای ده‌ستنیشانكردنی شوێنه‌كانیان، ئۆپه‌راسیۆنێكی ئاسمانی بۆ سه‌ر تیرۆریستان له‌ زنجیره‌ چیای ئامانۆسی قه‌زای ئارسوز ئه‌نجام درا.

له‌ راگه‌یه‌ندراوه‌كه‌ی‌ پارێزگای هاتایدا هاتووه‌: "له‌ ئاكامی ئۆپه‌راسیۆنه‌كه‌دا ١١ تیرۆریست له‌ چالاكی خران به‌ڵام تا ئێستا تواندراوه‌ ته‌رمی شه‌شیان بدۆزرێته‌وه‌. هاوكات دوای له‌ چالاكی خستنی تیرۆریستیان ژماره‌یه‌ك پارچه‌ چه‌ك و بڕێك ته‌قه‌مه‌نیش ده‌ستیان به‌سه‌ردا گیراوه‌ كه‌ ئه‌وان هه‌ڵیان گرتبوون".