Ahmet Akbıyık,Mohammed Baqi Hussein
29 کانوونی یەکەم 2018•نوێکردنەوە: 31 کانوونی یەکەم 2018
كۆنیا - AA
لهئهنجامی ئاگركهوتنهوه له نهۆمی سهرهوهی شوقهیهكدا لهشارۆچكهی كاراتای كۆنیا، چوار خوشك و برای سووری بههۆی كاریگهریی دووكهڵهوه گیانیان لهدهستدا.
فاتیمه عهبدوڵای سووری كه له نهۆمی سهرهوهی شوقهیهكی سێ نهۆمیدا له گهڕهكی عهزیزییه دادهنیشێت، بهیانیی ئهمڕۆ بهمهبهستی كڕینی نان ماڵهكهی بهجێهێشت و لهگهڕانهوهیدا بینیی دووكهڵ لهماڵهكهی بهرزدهبێتهوه، دهستبهجێ داوای یارمهتیی كردووه.
دهستبهجێ پۆلیس گهیشته شوێنی رووداوهكه و تیمهكانی ئاگركوژێنهوه و فریاگوزاریی تهندروستیش رهوانهی شوێنهكه كران.
چوار منداڵهكهی فاتیمه بهناوی ریم، وهلید، حهسهن و محهمهد كه تهمهنیان لهنێوان 4 بۆ 11 ساڵیدایه، لهشوقهكه دهرهێنران و رادهستی تیمهكانی تهندروستی كران.
دهستبهجێ به ئوتومبێلی فریاكهوتن چوار خوشك و براكه رهوانهی نهخۆشخانه كران، بهڵام سهرباری ههموو ههوڵهكان، سهرجهمیان گیانیان لهدهستدا.
