عه‌نتاب.. رووداوی هاتوچۆ

عه‌نتاب - AA

له‌ رووداوێكی هاتوچۆدا له‌ شارۆچكه‌ی ئارابان سەربە پارێزگای عه‌نتاب، ئۆتۆمبێلێك دوای ئه‌وه‌ی وه‌رگه‌ڕا، ئاگری گرت و به‌هۆیه‌وه‌ سێ كه‌س گیانیان له‌ده‌ستدا.

به‌پێی ئه‌و زانیارییه‌ی ده‌ست ئاژانسی ئانادۆڵو كه‌وتووه‌، له‌سه‌ر رێگای سه‌ره‌كی عه‌نتاب-ئادیامان، ئۆتۆمبێلێك له‌ به‌رزه‌ پردێكه‌وه‌ كه‌وتووه‌ته‌ خواره‌وه‌.

به‌هۆی ته‌قینه‌وه‌ی تانكی ئۆتۆمبێله‌كه‌ ئاگركه‌تووه‌ته‌وه‌ و به‌هۆیه‌وه‌ سه‌رنشینانی ئۆتۆمبێله‌كه‌ كه‌ سێ كه‌س بوون و هێشتا ناسنامه‌یان دیارنییه‌، گیانیان له‌ده‌ستداوه‌.