تورکیا.. دەستگیرکردنی پێنج ئەندامی داعش

به‌پێی ئه‌و زانیارییانه‌ی له‌ سه‌رچاوه‌ی تەناهییەوە وه‌رگیراون، دوێنێ سێ كه‌سی بیانی كه‌ ئه‌ندامی رێكخراوی تیرۆریستی داعشن و هه‌وڵیاندابوو بچنه‌ نێو خاكی توركیاوە، له‌ سنووری به‌رپرسیارێتیی سه‌ربازگه‌ی سه‌رسنووری گۆرێنتاشی هه‌تای ده‌ستگیر كراون.

هەروەها له‌ سنووری به‌رپرسیارێتیی سه‌ربازگه‌ی سه‌رسنووری ئێرمیشی عه‌نتابیش، دوو ئه‌ندامی داعش كه‌ یه‌كێكیان ژنه‌ ده‌ستگیر كراون.

گومانلێكراوه‌كان دوای ده‌ستگیرکردنیان راده‌ستی هێزه‌كانی جه‌ندرمه‌ كران.