سەرکۆمار تورکیا بەرەو فەڕەنسا بەڕێ کەوت

ئیستانبوڵ – AA

سەرکۆماری تورکیا، رەجەب تەیب ئەردۆغان لەسەر بانگهێشتی سەرکۆماری فەڕەنسا، ئیمانوێل ماکرۆن بەرەو پاریس بەڕێ کەوت.

سەرکۆمار ئەردۆغان و شاندی یاوەری بە فڕۆکەی تایبەتی "TUR" کاتژمێر ١٠:٢٥ لە میوانخانەی دەوڵەت لە فڕۆکەخانەی ئەتاتورک بەرەو پاریس بەڕێ کەوتن.

لە میوانخانەی دەوڵەت لە فڕۆکەخانەی ئەتاتورک ئەردۆغان و شاندی یاوەری لەلایەن سەرۆکی پەرلەمانی تورکیا، ئیسماعیل قارەمان، پارێزگاری ئیستانبوڵ، ڤاسیپ شاهین و سەرۆکی شارەوانی ئیستانبوڵ، مەولود ئویساڵ، پەرلەمانتاری بازنەی ئیستانبوڵی ئاک پارتی، هالیس داڵکڵچ و سەرۆکی لقی ئیستانبوڵی ئاک پارتی، سەلیم تەمورجی و ژمارەیەک بەرپرسی دیکە بەڕێ خران.

شاندی یاوەری سەرکۆمار ئەردۆغان پێکهاتوون لە ئەمینە ئەردۆغانی هاوسەری، وەزیری دەرەوە، مەولود چاوشئۆغڵو و وەزیری ئابووری، نیهاد زەیبەکچی و وەزیری بەرگری، نورەددین جانیکلی و وەزیری وزە و سەرەچاوە سرووشتییەکان، بەرات ئاڵبایراک و سەرۆکی لیژنەی جێبەجێکار و سەرۆکی ئەنجوومەنی راپەڕاندنی هێڵی ئاسمانی تورک، ئیلکەر ئایجی.