ئیستانبوڵ - AA

سەرکۆماری تورکیا، ڕەجەب تەیب ئەردۆغان بەمەبەستی ئەنجامدانی سەردانێکی فەڕمی، بەرەو عێراق بەڕێکەوت.

ئەردۆغان کاتژمێر ٠٩:١٥ لە فڕۆکەخانەی ئەتاتورک لەلایەن پارێزگاری ئیستانبوڵ، داوت گوڵ و بەپرسانی دیکەوە بەڕێکرا.

لەو سەردانەیەدا، هەریەک لە وەزیری دەرەوەی تورکیا، هاکان فیدان و وەزیری ناوخۆ، عەلی یەرلیکایا و وەزیری بەرگریی، یاشار گولەر و وەزیری بازرگانی، عومەر بۆلات و وەزیری گواستنەوە و ژێرخان، عەبدولقادر ئورالئۆغڵو و وەزیری کشتوکاڵ و دارستان، ئیبراهیم یوماکڵی و وەزیری وزە و سەرچاوە سروشتییەکان، ئالپارسلان بایراکتار و وەزیری پیشەسازی و تەکنەلۆجی، مەهمەت فاتیح کاجر و سەرۆکی فەرمانگەی پەیوەندییەکان لە سەرۆکایەتی کۆمار، فەخرەددین ئاڵتوون و گەورەڕاوێژکاری سەرکۆمار بۆ کاروباری سیاسەتی دەرەکی و ئەمنیی، باڵیۆز ئاکیف چاغتای کڵج یاوەری سەرکۆمار ئەردۆغان دەکەن.

لە چوارچێوەی سەردانەکەیدا بۆ عێراق، سەرکۆمار ئەردۆغان، لە بەغدا لەگەڵ سەرکۆماری عێراق، عەبدولڵەتیف ڕەشید و سەرۆکوەزیران، محەمەد شیاع سوودانی کۆدەبێتەوە و، کۆنگرەیەکی ڕۆژنامەوانیی هاوبەش لەگەڵ سوودانی ساز دەکات و چەند ڕێککەوتنێک لە نێوان هەردوو وڵاتدا واژوو دەکرێت.

هەر لە چوارچێوەی دیدارەکانیدا، سەرکۆمار ئەردۆغان سەردانی هەولێر دەکات.