روونکرنەوەی کرێملین لەسەر سەردانەکەی پوتین بۆ ئەنقەرە

مۆسکۆ-AA

گوتەبێژی کۆشکی کرێملین، دیمیتری پێسکۆڤ رایگەیاند کە لە کۆبوونەوەی سەرۆکی رووسیا، ڤلادیمیر پوتین و سەرکۆماری تورکیا رەجەب تەیب ئەردۆغان تاوتوێی ئەو ھەنگاوانە دەکرێت کە لە دوای کشانەوەی یەکە سەربازییەکانی رووسیا لە خاکی سووریا دەھاوێژرێن.

پێسکۆڤ بە رۆژنامەنووسانی راگەیاند لە سەردانەکەی ئەمڕۆی پوتین بۆ ئەنقەرە باس لە پرسی سووریا دەکرێت.

پێسکۆڤ راشیگەیاند لەم سەردانەی پوتین تاوتوێی ئەو ھەنگاوانە دەکرێت کە لە دوای کشانەوەی یەکینەکانی سەربازیی رووسیا لە سووریا دەھاوێژرێن. پێسکۆڤ گوتیشی: "بە دڵنیایەوە پوتین باس لە سەردانەکەی بۆ سووریاش دەکات. ھاوکات باس لە پرسی دانوستانەکانی سیاسی سووریا بە تایبەتی بەستنی کۆنگرەی دیالۆگی نیشتمانی و دیاریکردنی ئەو لایەنانەی کە پێویستە بەشداربن لەو کۆنگرەیە دەکرێت".

پێسکۆڤ جەختی لەوەشکردەوە لە سەردانەکەدا پەیوەندییە دووقۆڵییەکان دەخرێنە بەرباس، گوتیشی: "جگە لە پەیوەندییە بازرگانی و ئابوورییەکان ھەروەھا تاوتوێی ناوەندی وزەی ناوەکی ئاککویو و ھەماھەنگی و ھاریکاری لە بواری سەربازی-تەکنیکیدا دەکرێت".
پوتین ئەمڕۆ لە کاتی سەردانیکردنی بنکەی سەربازی حمەیمیم لە پارێزگای لازقیەی سووریا رایگەیاند کە رێنمایی داوە بە یەکە سەربازییەکانی وڵاتەکەی بۆ کشانەوە لە سووریا.