رووداوێکی هاتوچۆ لە ئەلعەزیز

ئەلعەزیز- AA

لە ئەنجامی پێکدادانی پاسێک و بارهەڵگرێک لە شارۆچکەی کاراکۆچانی سەربە پارێزگای ئەلعەزیز، بە پێی ئامارە بەراییەکان 2 کەس گیانیان لەدەستداوە و 30 ی دیکەش برینداربوون.

بە پێی ئەو زانیارییانەی دەستکەوتوون، پاسەکە لەسەر رێگەی سەرەکی ئەلعەزیز-بینگۆل لە پشتەوە خۆی کێشاوە بە بارهەڵگرێکدا کە شیشی بارکردووە.

بە پێی ئامارە بەراییەکانیش لە ئەنجامی رووداوەکەدا، دووسەرنشینی پاسەکە گیانیان لەدەستداوە و 30 سەرنشینی دیکەش برینداربوون.

هاوکات تیمەکانی تەندروستی بریندارەکانیان رەوانەی نەخۆشخانەکانی شارەکە کرد و تیمەکانی جەندرمەش رێوشوێنی ئەمنییان لە شوێنی رووداوەکە گرتەبەر.