دەستگیرکردنی تیرۆریستێک لە وان

لە ئۆپەراسیۆنێکدا لە وان تیرۆریستێکی پەکەکە کە سەرگەرمی خۆ ئامادەکردن بوو بۆ ئەنجامدانی چالاکی، دەستگیر کرا.

بەپێی ئەو زانیارییانەی دەستکەوتوون، تیمەکانی بەڕێوەبەرایەتی هۆبەی هەواڵگری و بەرەنگاربوونەوەی تیرۆر لە بەڕێوەبەرایەتی ئاسایشی وان، تیرۆریستێکی پەکەکەیان خستووەتە ژێر چاودێرییەوە کە لە شاخەوە هاتووە و بە نیازبووە لە ناو شاردا چالاکی ئەنجام بدات.

تیمەکان لە ئۆپەراسیۆنێکدا توانییان تیرۆریستەکە دەستبەسەر بکەن کە دەمانچەیەک و دوو نارنجۆکی پێبوو.

دواتر تیرۆریستە دەستبەسەرکراوەکە بەمەبەستی وەرگرتنی ئیفادە رەوانەی بەڕێوەبەرایەتی ئاسایش کرا.

لێکۆڵینەوەکان سەبارەت بەوەی ئەگەر هەیە تیرۆریستەکە خۆکوژ بێت بەردەوامە.

لە روونکردنەوەیەکی پارێزگاشدا سەبارەت بە بابەتەکە هاتووە:

''چەکدارێکی رێکخراوی تیرۆریستیی کە لە دەرەوەی شارەوە هاتبوو، سەرگەرمی ئامادەکاریی بوو بۆ ئەنجامدانی چالاکی، رۆژی ٢١ی ئایاری ٢٠١٦ لە ئۆپەراسیۆنێکی هێزە ئەمنییەکاندا دەستگیر کرا. چەکدارەکە چەکێک، دوو مەخزەن و دوو نارنجۆکی پێبووە و لێکۆڵینەوە لەگەڵیدا بەردەوامە''.