دەستگیر کردنی تیرۆریستێکی لیستی سوور لەسەر سنووری سووریا

ئەنقەرە - AA

یەکەکانی پاراستنی سنووری سەر بە هێزە سەربازییەکانی تورکیا، تیرۆریستێکی داواکراویان دەستگیر کرد.

وەزارەتی بەرگری تورکیا، لەو بارەیەوە راگەیەندراوێکی بڵاوکردەوە و تیایدا ئەوە خراوەتەڕوو کە هێزەکان لە بارەی هاتنی تیرۆریستێکی داعش لە سووریاوە بۆ تورکیا زانیارییان پێگەیشتوە.

دواتر هێزەکانی پاراستنی سنوور لە پارێزگای کلیس ئۆپەراسیۆنێکیان ئەنجامداوە و تیرۆریستەکەیان دەستگیر کردوە کە بە رەچەڵەک ئۆزبەکستانییە و لە لیستی سووری داواکراواندا بووە.

لە ئێستاشدا لە سەرۆکایەتی داواکاری گشتی پارێزگای کلیس لێکۆڵینەوە لەگەڵ تیرۆریستەکە بەردەوامە.