دیاربەکر.. کەنگر داواکاری زۆری لەسەرە

دیاربەکر – AA

کەنگر کە بەمژدەی هاتنی بەهار ناسراوە لەگەڵ بەرزبوونەوەی پلەکانی گەرما لە دەسپێکی وەرزی بەهاردا لە قەدپاڵی چیاکانی ناوچەکانی باشووری رۆژهەڵاتی ئانادۆڵو لەلایەن هاووڵاتییانەوە کۆدەکرێتەوە و دەفرۆشرێت.

یڵماز کایا ئاماژەی بەوە دا کە ماوەی هەفتەیەکە لە بازاڕی شارۆچکەی ئەرگانی سەربە پارێزگای دیاربەکر کەنگر لەسەر مێز یەک کیلۆی بەشەش لیرەی تورکی دەفرۆشن. گوتیشی: "خەڵک بەگشتیی کەنگری زۆر پێ خۆشە. بۆیە بەم رێژە زۆرە دەیکڕن. داهاتی ئەم وەرزەمان لەم رێگەیەوە دابین دەکەین".