دیاربەکر.. پۆلیس بەرەنگاری گرووپێک هەدەپەیی بوویەوە

دیاربەکر- AA

لە دیاربەکر سەرەڕای هۆشداریی و ئاگادارکردنەوەکان، گرووپێک هەدەپەیی کە دەیانویست بەبێ وەرگرتنی مۆڵەت روونکردنەوە بدەن لە لایەن پۆلیسەوە بڵاوەیان پێکرا.

گرووپێک کە لە پارکی کۆشویۆڵو لە ناوەندی ناوچەی باغڵار گردببوونەوە و هەریەک لە پەرلەمانتارانی هەدەپە، رەمزیە تۆسون، ساڵحە ئایدەنیز، بەردان ئۆزتورک، سەمرا گوزەل و موسا فاریسئۆغوڵڵاری، ویستیان روونکردنەوەیەکی رۆژنامەوانیی بڵاوبکەنەوە.

کاربەدەستێکی ئەمنیی بە گرووپەکەی راگەیاند کە ناتوانن بەبێ مۆڵەت روونکردنەوە بڵاوبکەنەوە. هەروەها پێی راگەیاندن کە روونکردنەوەکە لە بارەگای هەدەپە بدەن و ئەوێ گونجاوە.

هاوکات پۆلیس هۆشداریی دایە گرووپێک کە بە گووتنەوەی درووشمەوە بەرەو ئەو ناوە دەهاتن و پێی راگەیاندن کە بڵاوە بکەن.

گرووپەکە سەرەڕای هۆشدارییەکان بڵاوەیان نەکرد و پۆلیس لە رێگەی ئاوی قەتیسکراوەوە بڵاوەی پێ کردن.