دۆسیەی تەقەکردن لە باڵیۆزخانەی ئەمریکا لە شاری ئەنقەرە

ئەنقەرە -AA

راگەیاندرا کە سێ کەس لە کۆی ئەو شەش کەسەی بە تۆمەتی تەقەکردن لە باڵیۆزخانەی ئەمریکا لە ئەنقەرە دەستگیرکرابوون، بڕیاری دەستبەسەرکردنیان بۆ دەرکرا.

لە دوای دەستگیرکردنی گومانلێکراوان بە تۆمەتی تەقەکردن لە باڵیۆزخانەی ئەمریکا لە شاری ئەنقەرە، بەمەبەستی وەرگرتنی گوتەکانیان شەش کەس رادەستی داواکاری گشتی، موراد ئۆزجان کران.

دواتریش داواکاری گشتی، ئۆزجان بەمەبەستی دەستبەسەرکردنیان، ھەر سێ تۆمەتبار ئەحمەد چەلیک، عوسمان گونداش و ئەرسین بەیرام-ی رەوانەی دادگا کرد و پاشانیش بڕیاری دەستبەسەرکردنیان بۆ دەرکرا.

ھاوکات سێ گومانلێکراوەکەی دیکەش بەمەرجی چاودێری دادوەریی ئازادکران.