دوو بوومەلەرزەی مامناوەند ئیزمیریان هەژاند

ئەنقەرە - AA

دوو بوومەلەرزە بەگوڕەکانی ٥،١ و ٤،٣ پلە لەسەر پێوەری رێختەر کەناراوەکانی قەزای ئورلا سەربە پارێزگای ئیزمیر خۆرئاوای توركیایان هەژاند.

لە راگەیەندراوێکدا کە لە ماڵپەڕی سه‌رۆكایه‌تی ئیداره‌دانی كاره‌سات و باری له‌ناكاو (AFAD)دا بڵاوکراوەتەوە، ئاماژە بەوە کراوە کە کاتژمێر ٠٧:٠٠ی بەیانی ئەمڕۆ، بوومەلەرزەیەک بەگوڕی ٥،١ پلە لە کەناراوەکانی پارێزگای ئیزمیر سەربە ناوچەی ئیجە خۆرئاوای توركیا روویداوە.

باس لەوە کراوە کە بوومەلەرزەکە لە قوڵایی ٣،٩٧ کیلۆمەتر لەژێر دەریادا روویداوە و چەقەکەی ٥٦،١٨ کیلۆمەتر دوور بووە لە شارۆچکەی ئورلا.

بەپێی زانیارییەکانی راگەیاندراوەکەی(AFAD) لە کاتژمێر ٠٧:٠٩دا، بوومەلەرزەیەکی دیکە بەگوڕی ٤،٣ پلە کەناراوەکانی ئیزمیری لە دەریای ئیجە هەژاندووە.

بوومەلەرزەی دووەم لە قوڵایی ٧،١٦ کیلۆمەتر روویداوە.

سه‌رۆكایه‌تی ئیداره‌دانی كاره‌سات و باری له‌ناكاو (AFAD) لە هەژماری خۆی لە تویتەر بڵاوی کردووەتەوە کە دوای بوومەلەرزەکانی کەناراوەکانی قەزای ئورلا، تا کاتژمێر ٠٧:٣٣ هیچ هەواڵێکی نەرێنییان سەبارەت بە دەرەنجامی بوومەلەرزەکە پێ نەگەشتووە.