ده‌ستگیركردنی یه‌كێک‌ له‌ به‌رپرسیارانی هێرشه‌ تیرۆریستییه‌كه‌ی ره‌یحانلی

هاتای – AA

كه‌سوكاری قوربانییانی هێرشه‌ تیرۆریستییه‌كه‌ی ره‌یحانلی سەربە پارێزگای هاتای خۆشحاڵن به‌ ده‌ستگیركردنی ئه‌رجان بایات كه‌ ناوی له‌ لیستی شینی داواكراواندایه‌ و یه‌كێكه‌ له‌ به‌رپرسیارانی هێرشه‌ تیرۆریستییه‌كه‌ی ره‌یحانلی.

دوای ئه‌وه‌ی وه‌زیری ناوخۆی توركیا، سوله‌یمان سۆیڵو ده‌ستگیركردنی ئه‌رجان بایات كه‌ ناوی له‌ لیستی شینی داواكراواندایه‌ و یه‌كێكه‌ له‌ به‌رپرسیارانی هێرشه‌ تیرۆریستییه‌كه‌ی ره‌یحانلی راگه‌یاند، خۆشحاڵی كه‌سوكاری قوربانییانی هێرشه‌كه‌ی لێ كه‌وته‌وه‌.

له‌مباره‌یه‌وه‌ سه‌رۆكی كۆمه‌ڵه‌ی شه‌هیدانی ١١ی ئایار، ئه‌حمه‌د تونا كه‌ ئۆغڵوجان'ی كوڕی له‌و هێرشه‌دا شه‌هید بوو رایگه‌یاند: "زۆر خۆشحاڵین به‌وه‌ی تیرۆریستێكی دیكه‌یش ده‌ستگیر كرا. دڵنیابووین له‌وه‌ی زوو یان دره‌نگ ده‌وڵه‌ته‌كه‌مان ئه‌و تیرۆریسته‌یش ده‌ستگیر ده‌كات و ناهێڵێت خوێنی شه‌هیدانمان به‌فیڕۆ بڕوات".