تورکیا بارەگاکانی داعشی کردە ئامانج

سەرۆکایەتی ئەرکانی سوپای تورکیا رایگەیاند، دوو بارەگای رێکخراوی تیرۆریستیی داعش لە هەردوو گوندی شێخ یەعقوب و یەحمول سەربە پارێزگای حەلەب باکووری سووریا کراونەتە ئامانج و لەناوبراون.

بەپێی ئەو روونکردنەوەیەی کە لەلایەن سەرۆکایەتی ئەرکانی سوپای تورکیا بڵاوکراوەتەوە، دوێنێ چوارشەممە، دوو بارەگای رێکخراوی تیرۆریستیی داعش لە هەردوو گوندی شێخ یەعقوب و یەحمول سەربە پارێزگای حەلەب باکووری سووریا، کراونەتە ئامانج و لەڕێگەی تۆپهاوێژە جێگیرکراوەکانی سەر سنوورەوە بۆردومان کراون.

لەئەنجامی تۆپبارانکردنەکەدا پێنج تیرۆریستیی داعش کوژراون و باڵەخانەیەک کە وەک جبەخانە رێکخراوەکە بەکاریدەهێنا، وێران کراوە.