بەفر و سەرما لە باکووری رۆژهەڵاتی تورکیا

ئەرزەڕۆم - AA

شەپۆلێکی بەفربارین و سەرما پارێزگاکانی باکووری رۆژهەڵاتی تورکیای گرتەوە لە قەرس و ئەردەخان بەفر باری و لە ئەرزەڕۆم-یش رێگاکان بەستیان.

بەهۆی دابەزینی پلەکانی گەرما بۆ دوو پلەی ژێر سفری سەدی لە شەودا، جامی ئۆتۆمبێل و بیناکانی پارێزگای ئەرزەڕۆم بەستیان.

هەروەها لە ناوەندی خلیسکێنەی پالاندۆکەن، ئەستووری بەفر گەیشتە ٢١ سانتیمەتر و لە ناوەندی خلیسکێنەی کۆناکلی-یش ئەستووری بەفر گەیشتە ١١ سانتیمەتر.

سەرلەبەیانی شەپۆلێکی بەفربارین رووی لە پارێزگای قەرس کرد و لە بەرزاییەکانیشدا چڕی بەفرەکە زیاتر بوو ئەمش گرفتی هاتوچۆی بۆ شۆفێران دروست کرد.

درەختەکانیش بە بەفر و زوقم داپۆشران.

بەهەمان شێوە بەفر و سەرما پارێزگای ئەردەخانی گرتەوە و بەهۆی نزمی پلەکانی گەرماوە درەخت و رووەکەکان زوقمیان گرت.