بوومەلەرزەیەک بەگوڕی ٥،٥ پلە پارێزگای دەنیزلی هەژاند.

ئەنقەرە - AA

بوومەلەرزەیەک بەگوڕی ٥،٥ پلە شارۆچکەی ئاجیپایام سەربە پارێزگای دەنیزلی هەژاند.

لە راگەیەندراوێکدا کە لە لایەن سەرۆکایەتی فەرمانگەی دۆخە لەناکاو و کارەساتە سرووشتییەکان (ئافاد)ەوە بڵاوکراوەتەوە، کاتژمێر ٠٩:٣٤ خولەک بوومەلەرزەیەک کە گوڕەکەی ٥،٥ پلە بووە و چەقەکەی شارۆچکەی ئاجیپایام بووە، تۆمارکراوە.

ئاماژە بەوەشکراوە بوومەلەرزەکە لە قووڵایی ١١ کیلۆمەتر و ٣٦٠ مەتر لەنێو زەویدا روویداوە.

هاوکات کاژمێر ٠٩:٣٨ و کاتژمێر ٠٩:٤١ دوو بوومەلەرزەی دیکە کە چەقەکەیان هەر شارۆچکەی ئاجیپایام بووە بە گوڕەکانی ٤،٨ و ٤،٥ روویانداوە.