بارتن...هەوڵەکان بۆ پاک کردنەوەی ناوچە لافاولێدراوەکان بەردەوامن

بارتن- AA

دانیشتوانی گوندی زەفەر-ی سەر بە شارۆچکەی کومڵوجا-ی پارێزگای بارتن کە بەهۆی لافاوەکەی چەند رۆژی رابردووەوە زیان بە گوندەکەیان کەوتبوو، بە هاوکاری تیمە فریاگوزارییەکان لە هەوڵی تیمارکردنی برینەکانیان دان.

تیمەکانی شارەوانی و ئیدارەی تایبەتی پارێزگای بارتن دوای لافاوەکە گەیشتنە گوندی زەفەر و بە هاوکاری گوندنشینان بەچڕی دەستیان بە کارکردن کرد.

گوندنشینان بەهۆی داڕمانی بەشێکی رێگا و پردەکانەوە لەکاتی چوونیان بۆ ناوچەکانی دیکە ناچارن تێپه‌ڕگه‌ی جێگره‌وه‌ بەکاربهێنن.

لە لایەکی دیکەشەوە وەزارەتی خێزان و خزمەتگوزاری کۆمەڵایەتی دوو ملیۆن لیرەی بۆ دابینکردنی هاوکارییە سەرەتاییەکان ناردووەتە پارێزگای بارتن کە لە ئەمڕۆوە دەست بە دابەشکردنی بەسەر هاووڵاتییاندا کراوە.