ئەردۆغان پەیامێکی ئاراستەی پاتریاکی ئەرمەنییەکانی تورکیا کرد

ئیستانبوڵ - AA

سەرکۆماری تورکیا، رەجەب تەیب ئەردۆغان، پەیامێکی ئاراستەی پاتریاکی ئەرمەنییەکانی تورکیا، ساھاک ماشالیان، کرد.

سەرکۆماری تورکیا، رەجەب تەیب ئەردۆغان لە پەیامەکەیدا سڵاوی خۆی ئاراستەی پاتریاکی ئەرمەنییەکانی تورکیا، ساھاک ماشالیان و ئەندامانی بەڕێزی کۆمەڵگەی ئەرمەنی کرد و گوتی: "بەرێزەوە یادی ئەو ئەرمەنییە عوسمانیانە دەکەینەوە کە بەھۆی دۆخە سەختەکانی جەنگی جیھانی یەکەمەوە گیانیان لەدەستدا. سەرەخۆشی خۆم ئاراستەی نەوەکانیان دەکەم".

ئەردۆغان لەبارەی دەستوەردانی وڵاتانی دیکە لە کاروباری تورکیا گوتی : "دەستوەردانە سیاسییەکانی لایەنی سێیەم لە کاروباری وڵاتەکەمان ھیچ کاتێک سوودی بە کەس نەگەیاندووە".

سەرکۆماری تورکیا، رەجەب تەیب ئەردۆغان ھەرلەمبارەیەوە گوتیشی: "ئەوەی ئێمەی پێکەوە بەستوەتەوە نە بەرژەوەندییە و نە لێپرسینەوەیە بەڵکو وابەستەیی راستگۆیانەمانە بۆ ھەمان وڵات و ھەمان بەھا و ئاکاری بەرز".

ئەردۆغان لە پەیامەکەیدا بانگەوازی ئەوەی ئاڕاستەی ئەرمینیا کرد کە لەسەر بنەمای دراوسێیەتی باش و رێزگرتن لە یەکتر پەیوەندییەکانی نێوانیان گەشە پێبدەن.

سەرکۆمار ئەردۆغان راشیگەیاند کە "رێگە نادەین کلتووری سەدان ساڵ پێکەوە ژیانی تورک و ئەرمەنییەکان کە بووەتە نموونە بۆ ھەموو مرۆڤایەتی، لەبیرببرێتەوە".