ئەردۆغان: ''بە بڕی ٢٦ ملیار لیرە، قەرزی سەر ٣،٣ ملیۆن خوێندکارمان سڕییەوە"

ئیستانبوڵ - AA

سەرکۆماری تورکیا، رەجەب تەیب ئەردۆغان رایگەیاند ''بە بڕی ٢٦ ملیار لیرە، قەرزی سەر ٣،٣ ملیۆن خوێندکارمان سڕییەوە".

سەرکۆماری تورکیا، ئەردۆغان گوتی: "لە ماوەی رابردوودا، کەسانێک بێوچان ھەوڵدەدەن کەلێن بخەنە نێوان ئێمە و گەنجانمانەوە".

سەرکۆماری تورکیا گوتیشی: "شانازی بەگەنجانەوە دەکەین، چونکە ئەو گەنجانەن کە سەدەی تورکیایان پێ دەسپێردرێت، ئەو گەنجانەن کە ئەو ھیوایەی چەندین سەدەیە گەلەکەمان خەونی پێوەدەبینێت، دەیکەن بەڕاستی".

ئەردۆغان راشیگەیاند: ''لە کاتێکدا کەسانێک لە تۆڕەکانی کۆمەڵایەتییدا سەرقاڵی نمایشن، ئێمە لەگەڵ گەنجەکانماندا رووبەڕوو و دەست لەناودەست، بەرەو سەدەی تورکیا ھەنگاو دەنێین''.