ئیستانبوڵ... ئۆپەراسۆنی بەرەنگاربوونەوەی داعش

ئیستانبوڵ - AA

لە ئۆپەراسیۆنێکدا بۆسەر رێکخراوی تیرۆریستی داعش، ۱۹ کەسی بیانی لە شاری ئیستانبوڵ دەستبەسەر کران.

تیمەکانی بەڕێوبەرایەتی هۆبەی بەرەنگاربوونەوەی تیرۆری شارەکە لێکۆڵینەوەیان لە چالاکی و جموجۆڵەکانی رێکخراوی تیرۆریستی داعش دەستپێکرد.

لە چوارچێوەی لێکۆڵینەوەکەدا، ئۆپەراسیۆنی هاوکات بۆسەر ۱٦ ناونیشان ئەنجامدرا و ۱۹ هاووڵاتی بیانی بە تۆمەتی ئەندامێتی رێکخراوەکە دەستبەسەر کران.

ئەو هاووڵاتییانە ماوەیەکی زۆر لە ناوچەی پێکدادانەکانی سووریا و عێراق بوون و دواتر بەڕێگای نایاسایی هاتوونەتە ناو خاکی تورکیاوە.

لە ناونیشانی تۆمەتبارەکانیش دەست بەسەر ژمارەیەکی زۆر بەڵگەنامەی رێکخراوەییدا گیرا.

لە ئێستاشدا لێکۆڵینەوە لەگەڵ دەستبەسەرکراوەکان بەردەوامە.