ئۆپه‌راسیۆنی قه‌ڵغانی فورات.. سه‌ربازێكی سوپای توركیا گیانی له‌ده‌ستدا

عه‌نتاب - AA

له‌میانه‌ی به‌ڕێوه‌چوونی ئۆپه‌راسیۆنی قه‌ڵغانی فوراتدا له‌ باكووری سووریا، هێرش كرایه‌ سه‌ر هێزه‌كانی سوپای توركیا و له‌ئه‌نجامدا سه‌ربازێك گیانی له‌ده‌ستدا و سێ سه‌ربازی دیكه‌ برینداربوون.

ته‌رم و برینداره‌كان له‌ ده‌روازه‌ی سنووری ئۆنجو پناره‌وه‌ گه‌یه‌نرانه‌وه‌ توركیا و دووان له‌ برینداره‌كان له‌ نه‌خۆشخانه‌ی كلیس چاره‌سه‌ریان بۆ ده‌كرێت. ته‌رمی ئەو سەربازەی گیانی لەدەستدا و برینداركه‌ی دیكه‌ش به‌ هه‌لیكۆپته‌ر گه‌یه‌نرانه‌ نه‌خۆشخانه‌ی زانكۆی عه‌نتاب.

راگه‌یه‌نرا له‌ عه‌نتاب ده‌ست به‌ چاره‌سه‌ری برینداره‌كه‌ی دیكه‌ش كراوه‌.